أجري كان 10 جنيه.. الفنانة فاطمة كشري تتحدث عن بداياتها في عالم الفن - ايجي نيوز
كشفت الفنانة فاطمة كشرى خلال حوارها ببرنامج حكاوى القهاوى المذاع عبر قناة الحياة، مع الإعلامية رشا الجمال، عن بدايتها فى عالم الفن، معقبة :"أجرى كان 10 جنيه". قال الفنانة فاطمة كشرى: "كنت بحب اتفرج على البرنامج بيحكى الواقع ، ومفيش مجاملات وبيخلى الواحد بيقول اللى فى قلبة.. كنت بطلع كومبارس فى ماسبيرو، وباخد فى اليوم 10جنيه.. وكان نفسى أشوف والدة حضرتك فى ماسبيرو، وطول عمرى كنت غاوية فن وبروح السينما مع ناس جيراننا زمان عشان أتفرج علي الأفلام". وتابعت:"بحب أتفرج على الفنان فريد شوقى، والفنان نور الشريف، وبحب أفلام نور الشريف، ومنها سواق الأتوبيس وكل تمثيلة حلو قوى، ربنا بيدى لكل واحد حاجة بيأكل منها لقمة عيش وبيقسم الأرزاق". وأضافت :"اشتغلت فى أكتر من شغلانة، لكن كنت رايحة أجيب ثلاجة فى شارع 26 يوليو، وكان هناك قهوة بعرة، كان فيه مكاتب للتمثيل، وعملت كارنية تمثيل وروحت فى النقابة، ودفعت للكارنية 4 جنيه، وروقت نفسى واتصورت، وروحت النقابة وأدونى وصل وقالي تعالى بكرة خدى الكارنية.. والكلام ده من 32 سنة".
#أجري #كان #جنيه #الفنانة #فاطمة #كشري #تتحدث #عن #بداياتها #في #عالم #الفن #اليوم #السابع
